პარამაჰამსა ვიშვანანდა

პარამაჰამსა ვიშვანანდა დაიბადა ღმერთ რეალიზებული 1978 წლის 13 ივნისს, ულამაზეს კუნძულ მავრიკიზე, აფრიკის სანაპიროსთან. თავიდანვე ცხადი იყო, რომ იგი არ იყო ჩვეულებრივი ბავშვი.

ბავშვური თამაშების ნაცვლად, იგი დროს უთმობდა ლოცვას, ტაძრების მონახულებას და სულიერი რიტუალების განხორციელებას — და ყოველთვის ცხოვრობდა ღმერთის თანდასწრებაში. სინამდვილეში, იგი თავიდანვე იყო ბჰაქტი მარგას — ერთგულების გზის ცოცხალი მაგალითი.

მისი მშობლები ეკუთვნოდნენ Bharadwaja-gotra-ს, გამორჩეულ ბრაჰმანთა საგვარეულოს, რომლის ისტორია ათასწლეულებს მოიცავს და სათავეს იღებს თვით შრი კრიშნას ეპოქამდეც კი.

მისი გურუ, მაჰავატარ ბაბაჯი პირველადმას დაახლოებით ხუთი წლის ასაკში გამოეცხადა, მაშინ როცა იგი საავადმყოფოში იმყოფებოდა გარკვეული შხამიანი კენკრის მიღების შემდეგ. როგორც თავად პარამაჰამსა ვიშვანანდა აღწერს, სწორედ ამ დროს იხილა მან თავისი ჭეშმარიტი სინათლე — სინათლე, რომელიც მზეზეც კი უფრო კაშკაშა იყო. მას შემდეგ მაჰავატარ ბაბაჯი კვლავ და კვლავ ჩნდებოდა მის ცხოვრებაში, ხელმძღვანელობდა მას და თან ახლდა მის სულიერ გზაზე.

14 წლის ასაკში მან განიცადა სამადჰის (ღვთიურში სრული შთანთქმის) მდგომარეობა, რაც გახდა მისი სულიერი გზის გარდამტეხი მომენტი. ამ გამოცდილების შემდეგ მან სრულად მიიღო თავისი მისია, როგორც სულიერმა მასწავლებელმა, და დაიწყო თავისი ცხოვრების მიძღვნა სხვების სულიერი გაღვიძებისათვის.
ადამიანები რიგში იდგნენ მისი სახლის წინ, რათა შეხვედროდნენ „ახალგაზრდა წმინდანს“ და მიეღოთ მისგან კურთხევა და რჩევა.

19 წლის ასაკში მან პირველად მოინახულა ევროპა. ამ პერიოდში მას ღვთაებრივი დედა (Divine Mother) გამოეცხადა და სთხოვა ევროპაში დამკვიდრებულიყო — რაც გახდა მისი საერთაშორისო მისიის ახალი ეტაპის დასაწყისი.

2005 წელს მან ოფიციალურად დააფუძნა საჯარო სულიერი მოძრაობა — Bhakti Marga. Bhakti Marga ნიშნავს „ერთგულების გზას“ — სახელწოდებას, რომელიც სრულყოფილად გამოხატავს მის საკუთარ ცხოვრებას და არსს. სწორედ ამ გზის მეშვეობით მისი სწავლება და გზავნილი გავრცელდა მთელ მსოფლიოში, რათა უფრო და უფრო მეტ ადამიანამდე მიეტანა სიყვარული, ერთგულება და ღმერთთან პირადი კავშირი.

მისი სახელი და წოდება

პარამაჰამსა შრი სვამი ვიშვანანდა არის ვაიშნავი აჩარია. მისი სრული სახელი და ტიტულია –1008 Paramahamsa Sri Vedavyasa Rangaraj Bhattar Sri Swami Vishwananda – მაჰამანდალეშვარი 1008 პარამაჰამსა შრი ვედავიასა რანგარაჯ ბჰატარ შრი სვამი ვიშვანანდა.

მისი სახელის თითოეულ ნაწილს აქვს ღრმა მნიშვნელობა და გამოხატავს მის სულიერ სრულყოფილებასა და მიღწეულ მდგომარეობას:

• რიცხვ 1008-ს სიმბოლური მნიშვნელობა აქვს სულიერ მიღწევებში. ინდუიზმსა და ბუდიზმში რიცხვი 108 წმინდად ითვლება, რაც ადამიანის არსებობის სხვადასხვა ასპექტს ასახავს. რიცხვი 1008-ის მინიჭება კიდევ უფრო დიდ მნიშვნელობას და მაღალ პატივს ანიჭებს, რაც დიდ სულიერ მიღწევებზე მიუთითებს.
• მაჰამანდალეშვარი ან მაჰა მანდალეშვარი (ჰინდი: महामंडलेश्वर ) არის ტიტული. ის სიტყვასიტყვით ითარგმნება, როგორც „დიდი და/ან მრავალრიცხოვანი მონასტრების ეპისკოპოსი“. ნირმოჰი ახარამ, აიოდჰიაში მდებარე სულიერმა სამთავრობო ინსტიტუტმა, რომელიც რამდენიმე ინდუისტი ლიდერისა და ბერისგან შედგებოდა, ვიშვანანდას ეს ტიტული მიანიჭა. მის ინიციაციას
  ვაიშნაური სამპრადაიას ოთხივე მეთაური ესწრებოდა.
• შრი ვედავიასა რანგარაჯ ბჰატარი (ჰინდი: श्री वेदव्यास रंगराज भट्टर) ნიშნავს შრი ვაიშნავა აჩარიას.
• პარამაჰამსა სულიერი განვითარების უმაღლესი დონეა, სადაც სანიასი „უმაღლეს რეალობასთან“ კავშირს აღწევს.
• სახელი ვიშვანანდა ნიშნავს „უნივერსალურ ნეტარებას“.

მისი მისია

მისი პირადი მისია ადამიანების გულებში სიყვარულის გამოღვიძებაა.

ის ამას აკეთებს დაუღალავი მოგზაურობით მთელ მსოფლიოში, რათა გააღვიძოს ღვთაებრივი სიყვარული და ერთგულება პირადი კურთხევების, სულიერი საუბრების, საღმრთო ქების სიმღერის (კირტანის), სულიერი სიბრძნის სწავლებებისა და წმინდა ადგილებში მომლოცველობის მეშვეობით.